अब विश्वविद्यालयहरूमा नतिजा प्रकाशित भएको १५ दिनभित्रै ट्रान्सक्रिप्ट उपलब्ध गराइने भएको छ।
शिक्षामन्त्री सस्मित पोखरेलको उपस्थितिमा सबै विश्वविद्यालयका उपकुलपतिहरूको बैठकले यस्तो निर्णय गरेको हो। निर्णयअनुसार विद्यार्थीले रिजल्ट आएको दुई हप्ताभित्र आफ्नो ट्रान्सक्रिप्ट प्राप्त गर्न सक्नेछन्।
परीक्षाफल प्रकाशनलाई व्यवस्थित र पूर्वानुमानयोग्य बनाउन विश्वविद्यालयहरूले परीक्षा नियन्त्रण कार्यालयमार्फत नतिजा पोर्टल निर्माण गर्ने निर्णय पनि गरेका छन्।
त्यस्तै, उच्च शिक्षाको राष्ट्रिय शैक्षिक क्यालेन्डरलाई प्रभावकारी रूपमा कार्यान्वयन गर्न विश्वविद्यालय अनुदान आयोगका सचिवको संयोजकत्वमा समिति गठन गरिने भएको छ। उक्त समितिले १५ दिनभित्र सुधारिएको क्यालेन्डर तयार पार्नेछ।
विद्यार्थीलाई सहज सेवा उपलब्ध गराउने उद्देश्यले शैक्षिक प्रमाणपत्रहरू डिजिटल माध्यमबाट उपलब्ध गराउने व्यवस्था पनि गरिने भएको छ। विश्वविद्यालयहरूले आफ्नो एप तथा पोर्टल तयार गरी नागरिक एपसँग जोड्ने काम १५ दिनभित्र पूरा गर्ने निर्णय गरिएको छ।
वर्ल्ड इन्फो नेपाली एक व्यापक समाचार पोर्टल हो जसले नेपाली र अंग्रेजी दुवै भाषामा नवीनतम अपडेटहरू प्रदान गर्दछ। हामी वर्ल्ड इन्फो डट न्यूज ग्लोबलको एक हिस्सा हौं, नेपाल र विश्वभरबाट सही, समयसापेक्ष र सन्तुलित समाचारहरू प्रदान गर्न प्रतिबद्ध छौं।
